Tany am-paradisa

Published on 05/04,2008


[ze come back ... avy any am-paradisa hi hi hi]

 

Tany am-paradisa

 

Nofinofiko, hono, tany am-paradisa

Tazako tanivon'ny olon-tsy hita isa

Ny molotrao nitsiky, ny maso najopiaka,

Mitory fanaperana ny endrikao baliaka.

 

Ny fitafianao, tsara didy, tsara zaitra

Ny famindranao tsara gadona sy raitra

Rehefa niteny ianao, nilanto sy nilamina

Ny aminao rehetra, tsisy azoko nokianina.

 

Dia nandrasako hidoboka ny foko falifaly

Niriako hitempo mafy, toy ilay nataony omaly !

Tsy nisy nefa izany ka vaka teo ny saiko

Moa maty ilay fitia rehefa ritra ny aiko ?

 

Taitra tamin'ny nofy aho … Izay vao nahatsiaro

Fa raha notiaviko ianao, navahako amin’ny maro

Dia tsy sanatria akory ianao “anjely diso akany”

Fa satria ianao no ianao amin’ny olona eto an-tany.

 

Pissoa

 

 


Hevitra

  1. ikalamako
    05/04,2008 | 20:19

    wellzecome back i joburgaise o !
    clap clap clap le poezia akia !

  2. maintikely
    05/04,2008 | 21:16

    weeeeeeeeee re e!

    adaladala anefa tany am-paradisa an! ouz ilay hira :D

    Ndroooooo tsara beuh ilay izy

  3. razaordira
    05/04,2008 | 21:24

    Tanteraka ihany ny nofin'i Razaordira. Tafaverina soa aman-tsara eto @ blaogy ihany ianao rahavako, nitondra vaovao avy tany am-paradisa. Ek hetwag vir jou, Pissoa. Ek het van jou gedroom.

  4. iza ary?
    05/04,2008 | 21:29
    Tam za tany am-paradisa Nanao fanenjika tam gisa Nifandona tam le anjely Dia nivadika gisa kely Nanonofy rapissoa Notantarainy fa za no za Ny masoko hono manjopika Apian'ny molotro misariaka Lazainy aho fa diso akany Nofinonofiny ihany izany Mifohaza fa atoandro ny andro Ndeha aloha hitaingina camion
  5. sitlo
    05/04,2008 | 21:31
    Tam za tany am-paradisa Nanao fanenjika tam gisa Nifandona tam le anjely Dia nivadika gisa kely Nanonofy rapissoa Notantarainy fa za no za Ny masoko hono manjopika Apian'ny molotro misariaka Lazainy aho fa diso akany Nofinonofiny ihany izany Mifohaza fa atoandro ny andro Ndeha aloha hitaingina camion
  6. ravaka
    05/05,2008 | 01:42

    bravo, tiako be ilay farany :
    "Fa raha notiaviko ianao, navahako amin’ny maro" ...

  7. news2dago
    05/05,2008 | 09:32

    hosorana menaka zany ko!

  8. lap
    05/05,2008 | 18:14

    sitlo =))

  9. pissoa
    05/05,2008 | 19:06

    Ikalamako sy maintikely : Hi hi - zaho hoa tsy mijanona miblaogy zany fa tsy hanao mavitrika fotsiny lol.

    Mankasitraka e.

  10. pissoa
    05/05,2008 | 19:10

    Iza ary ? ... Nefa sitlo hi hi hi.

    Milay be le hoe Ndeha aloha hitaingina camion. Ha ha ha.

    Mankasitraka ravaka a. (Ttyl)

    News2dago : lasa otran'ny voalavo aho fa tsy saka tsony raha osorana menaka hi hi hi.

  11. pissoa
    05/05,2008 | 19:14

    Razaoridira : Hi hi hi.
    Ek gesien u wag in m drome ... (Hahay Afrikaans eto ihany ny farany lol).

    Lap : hi hi hi.

  12. Lalasoa
    05/06,2008 | 15:44

    Izay mihitsy no fiantso azy ireny izany: >anjely diso akany< !

  13. bilakarenjy
    05/09,2008 | 21:29

    T@] za tany am-paradisa ,dia nieritreritra sy namisavisa ,fa raha ny tahona tsiasisa , no handroahana gisa ,dia aleo mandeha any Analakely ,mitady mofomenakely ,fa lavitra be kay ilay any am-paradisa .
    Oooouf !,sady savl za no te hatory .

  14. pissoa
    05/11,2008 | 19:32

    Bilakarenjy : hi hi hi.

    Lalasoa : lol. romantika be hi hi

  15. sazykely
    05/16,2008 | 10:47

    sitlo: afa zany paradisa nao zany an lol
    pissoa: !!!

Leave a Reply

Hampiditra hevitra









 authimage