~ arahaba sy arahaba ~

Published on 05/11,2008


arahaba sy arahaba

 

 

1 -  

 

Omeko ny herin'ny Fanahy ianareo

Ka ho vavolombeloko hatrany amparavazan'ny tany.

 

 

 

(izay ilay arahaba voalohany)

 

2 -  

Miarahaba ny reny rehetra mandalo eto ... (ie - androany ny Mothers' day aty Afrika Atsimo). Mifanatera amin'ny zanaka maditra e hi hi hi. (bon - atao eto ihany ity tononkalo ity na dia somary lany daty aza ho anay manokana lol)

 

Ho fetin'i Neny

Neny ô !

Androany ihany ony
no natao ho fetinao ?
Androany monja !
Nefa anie ka ny onja
mafy resinao
no tena mampitony.

Fa iza moa no niaritra
ny feoko raha nikiaka ?
ny ditra sy tomany
raha tsy ianao ihany !
Ny sasany aza moa mipiaka
helika ... Finaritra !

Ry Neny tokako eto an-tany,
Ry volako baliaka,
Izao no tarigetra :
Ny andro sisa rehetra
mbola iharahantsika
Dia ho fetinao hatrany.

Pissoa

(Jereo eto) 

 

 


Hevitra

  1. kdaombaramita
    05/11,2008 | 21:14

    Dia misaotra amin'ilay fiarahabana natolotrao ho anay reny.

  2. lehilahytsyresy
    05/11,2008 | 21:58

    Manolotra firarian-tsoa mandrakariva amin'izao fetin'ny filatsahan' ny Fanahy Masina izao, indrindra indrindra moa ho anareo mandranto fahalalana sy fahaizana any ampitan-dranomasina any.

  3. ikalamako
    05/11,2008 | 22:37

    miarahaba an'i pissoa sy ny rehetra tratry ny pain thé compte (vokabolary hitan'i harilova indray re io ranjekakiko e...), ary mirary soa koa ny reny rehetra koa fa aty amin-dr'i berlusconi fetinay koa androany.

  4. mevassoa
    05/12,2008 | 00:58

    Hay moa ry reto pentecôte androany afabaraka fa miresaka an'izany ianareo vao fantako , zah mantsy t@ vao tonga kelikely taty ihany no nankany am-piangonana dia tsy nandeha intsony avy eo fa efa somary antitratintra daholo ny mpiangona dia te hatory be foana aho, hidiran'ny devoly mihitsy, misaotra ny fiarahabana fetin'ny reny e!

  5. lehilahytsyresy
    05/12,2008 | 09:00

    Pissoa ==> Bravo tamin' ilay tononkalo e.
    Ikalamako ==> hay ve tany amin-dry ikalamako koa fetin' ny reny omaly e ?
    Betsaka tokoa ny fety nifanontona tamin' ity taona ity izany: teo ny "May Day" (premier Mai) sy ny fetin' ny ascension, ary teo koa ny pentekosta sy ny fetin' ny reny.
    Ny fetin' ny ray moa dia mbola afaka iray volana.

  6. Ikalakely
    05/12,2008 | 09:27

    Misaotra pissoa fa ny anay aty frantsa mbola afaka herinandro, fa dia aleo aloha mirary pentekoty sambatra ho an'ny rehetra e!

  7. news2dago
    05/12,2008 | 11:20

    misaotra! dia faly miarahaba ihn koa

  8. maintikely
    05/12,2008 | 11:48

    tratry ny pentekoty jiaby izany :D

    Bonne fête à toutes les mamans izay efa nankalaza izany :)

  9. simp
    05/13,2008 | 00:41

    arahaba - arahaba :)

  10. pissoa
    05/13,2008 | 20:06

    Misaotra antsika isika e :-P

  11. Lalasoa
    05/13,2008 | 23:13

    Misaotra amin'ny tononkalo e! Lasa mahatsiaro an'i mamanay aho mamaky azy!

  12. sazykely
    05/16,2008 | 10:33

    salisali
    apitaiko any am zandrikoely io arahaba io e
    de le tonokalo ts itako ze apitaina azy ra ts oe averina any aminjy ngah lol courajy e

  13. pissoa
    05/16,2008 | 19:43

    Saluuuuu sazykoely hi hi.

    Bizz njy. Alefa any amintisy koa ary le tononkalo fa njy no ao Dago ao zao e. Kissssssss

  14. sazykely
    05/18,2008 | 11:21

    za zany ny neny iii
    oeeeeeeeeeee

    vaovao milay be
    nahazo bitso koely anakiroa zay JOPLI sy JOPLA no anarany bogosy le izy an

  15. Kdaombaramita
    05/26,2008 | 15:35

    Tanjemo sao misy mamono any i Pissoa kely fa toa giravy ny tantara an !

  16. pissoa
    05/26,2008 | 19:24

    Manao ahoana Kdaombaramita !
    Aza matahotra fa tsy dia atahorana aty amin'ny misy ahy ka. :-*

  17. tomavana
    05/27,2008 | 15:07

    >Aza matahotra fa tsy dia atahorana aty amin'ny misy ahy ka. :-*

    Rahabaina tsy maty fo aman'aina ... dia mirary soa hatrany amin'ny ho avy e !

  18. pissoa
    05/27,2008 | 19:42

    Mankasitraka Tomavana a !

Leave a Reply

Hampiditra hevitra









 authimage